Kintunan ti Sobat, manawi teu acan kaaos…

Asam urat

Hiji poe si Kabayan indit ka kilinik, teu ngareunah awak cenah.

Kabeneran antrina teh kabagean rada beurang, atuh luut leet kesang, ma’lum kilinik di lembur tea teu siga didieu make aya ase sagala, pikagenaheun….Jaba deui tukang dagang diunggal juru…nu dagang roti, bandros, permen, bacang…ah sagala aya bae pabaliut jeung nu gering….malah nu dagang balon bae aya, atuh beuki rame budak gering hayang balon…emana riweuh nya ngais nya nungtun bari nyampeurkeun tukang balon. Budak nu sejen ngadat deuih ningali aya nu meuli balon teh da hayangeun. Kitu geuning gambaran kilinik di pilemburan mah…

Geus meh wanci asar si Kabayan kakara digeroan asup ka kamar doktor. “Naon nu karasa Kabayan, eta mani luut leet kesang kitu….??” cek doktor nanya semu daria (daria hartosna :seurieus). “Ieu juragan doktor, abdi teh puguh keuna ku panyakit asam urat……panginten juragan tiasa ngalandongan..” tembal si Kabayan. “Wah, maneh mah siga nu leuwih pinter ti aing, make nyebutkeun panyakit asam urat sagala…teu gampang nangtukeun ngaran panyakit teh, kudu dipariksa heula getihna di laboratorieum…kudu imeut mariksana ge, tah tidinya kakara bisa dipastikeun panyakitna, ulah siga maneh ujug2 nyebut asam urat bae…..!!” cek doktor teh rada ambek. “Sumuhun duka ari leres henteuna mah juragan, mung raraosan abdi…sababaraha poe ieu abdi teh siga nu keuna ku panyakait asam urat bae kitu….” cek si Kabayan keukeuh. Doktor rada kerung bari nanya deui :” Na kumaha karasana kitu ku maneh ari  boga panyakit asam urat teh..??”. Si Kabayan bari muka baju ngajawab kieu :” Nu mawi ieu geura mangga parios ku juragan doktor, kelek abdi bauna teh haseum pisan, atuh urat beuheung raranteng kieu…cararangkeul sa awak2…..Sanes eta nu disebat asam urat teh….???”. Doktor ngajengkat nangtung bari rada ambek :” Sangeunahna bae siah….piraku aing dititah ngambeuan kelek maneh…..?? Eta mah kelekna we turunan bau haseum meurueun……!!! Suster pangnuliskeun resep keun si Kabayan….bere we ubarna mah sabun mandi jeung minyak Pe Pe O….sugan uratna jadi seungit henteu haseum deui….!!”.

Wass,

Aki Dede

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s