kabayan jeung aki dasim

nalika si kabayan keur gogoleran di tajug sisi sawah… ngaliwat aki dasim… terus ngilu nyimpang da geus waktuna lohor rek ngilu solat …..

“kabayan keur naon sia gogoleran didieu… rek molormah di imah deuleu….” ceuk aki dasim

“ah aki …pan nungguan waktu sholat ki….” si kabayan neang alesan

“nya sukur atuh ari rek sholatmah hayu urang berjamaah….da geus manjing lohor euy…”

si kabayan eleh deet bari ngilu ka cai rek wudu… ari aki dasim teh kaasup kokolot di lembur si kabayan, ampir saumuran si abah meureun, ngan aki dasim-mah awakna jangkung bari buuk nepi ka jangot geus sagala budas… ari tajug teh tihangna tina awi terus make bilik anu kira-kira sameter luhurna, jadi nu ngaliwat teh bisa ninggali kaayana atawa saha bae nu aya di tajug. nya saperti tajug-tajug lainna. eta tajug teh di jieunna di luhureun susukan sisi sawah… supaya deukeut ka kocoran cai, terus panggung deuih…atuh amparana make bale-bale(awi nu di sebit leutik-leutik terus di talian di jadikeun amparaan tajug atawa bisa oge amparaan korsi jssb)

sarengsena wudu terus  sholat bareng aki dasim jadi imam, si kabayana jadi ma’mum disisi katuhu jarak sajengkal ti aki dasim tapi rada tukang saeutik.

ari aki dasim geus pada apal lamun nga-Imaman teh sok rada lila… ma’lum geus kolot rada lengle katambah babacaan suratna sok nu panjang… nya keuna ka sikabayan mah matak asa kasiksa… da si etamah ka tajug teh niatnamah arek gogoleran bin he-es… atuh karek oge rakaat hiji geus teu daek cicing sukuna teh… antukna sikabayan sok miheulaan imam … jadi mun imam rek ganti ti ruku ka i’tidal… karek oge nyebut Alloh na can parat kana HuAkbar  si kabayan geus cengkat…. kitu oge waktu sujud… waktu aki dasim rek cengkat tasyahud si kabayan geus miheulaan…. kitu jeung kitu bae polah si kabayanmah da maksudna supaya sholatna gancang beres…

tapi aki dasim ngadon beuki lila bae tiap rokaatna teh… komo waktu sujudmah mani ka-reungeu ku sikabayan bari nginghak sagala…. pikir si kabayan“wah si aki hebat sholat nepi ka nginghak komo nalika sujud … jadi era urang…”, beres sholat katinggali raray aki dasim mani rambisak ku cimata… nepi ngabaseuhan jangot… si kabayan asa kayungyun ka aki dasim bari ngajak sasalaman…“aki, mani reueus ninggali aki sholat nepi ka nikmat kitu …jiga solat para wali….”

na ari gantawang teh aki dasim nyarekan ka sikabayan bari jiga rek ceurik deui...”na ari sia kabayan geus kolot teh masih keneh teu baleg… ieuh lain dewek ceurik gara-gara sholat nu bener…tapi ieu jangot kacepet ku palupuh… da maneh sok miheulaan ari rek ganti rokaat deuleu….”

“na kumaha kitu ki….”

“eta pura-pura teu ngarti… ieuh lamun maneh miheulaan cengkat tina sujud pan dewek masih keneh sujud…jadi jangot dewek kacepet duh mani peuereus kieu…” ceuk aki dasim lungas-lengis  bari ngusap-ngusap jangotna bari alak ilim kana palupuh bisi aya sesa jangot nu nempel tina palupuh….

2 thoughts on “kabayan jeung aki dasim

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s